Sverrir Daði Þórarinsson

Eru tollar og á hugbúnaði fyrir tölvur? Mér finnst allavega ótrúlegt hve mikið hugbúnaður kostar hérna miðað við önnur lönd. Ég hef lengi verið að spá í að kaupa mér forritið Adobe Photoshop, mig langar að kaupa það í umbúðunum en ekki bara "downloada" því að heimasíðu framleiðandans. Samkvæmt síðunni hjá Adobe í bandaríkjunum kostar nýjasta útgáfan frá 649 dollurum (ca. 41þús.kr.), þá er verið að meina ef maður hleður henni niður af síðunni. Við þetta bætist sendingarkostnaður ef maður vill fá forritið sent til sín í umbúðum. Ég veit ekki hver kostnaðurinn myndi enda í ef maður myndi flytja það hingað til lands, líklega eitthvað um 60-70þús. Miðað við verðlista hjá Apple á Íslandi kostar það hvorki meira né minna en 90þúsund! Það er eldri útgáfan. Mér finnst það vera mjög mikill munur miðað við þennan 41þús. kall sem manni býðst forritið á ef maður býr í bandaríkjunum. Forritið er töluvert dýrara fyrir Bretland en þar kostar það um 71þús. kr íslenskar. Samt sem áður ódýrara en hér á landi. Hjá Nýherja er forritið enn dýrara en þar kostar það 95þús. kr. og ENN dýrara hjá Tölvulistanum, sem ég hélt að væru að reyna að vera ódýrir, þar kostar það 100þús!

Það var nú í fréttunum um daginn að nánast hvergi í heiminum er notað eins mikið af ólöglega fengnum hugbúnaði og hér á landi, mig minnir að við höfum verið í 4. sæti. En er það nokkuð skrítið þegar líklega hvergi í heiminum er hugbúnaður eins dýr og hér á landi? Mig langar mikið í þetta forrit en mig langar frekar til að "stela" því en að fara borga 90þús. kr. fyrir það!

Þetta er eitthvað sem má fara skoða!